Debate sobre «Una trilogía palestina» de Gasán Kanafani

Data
Martes, 23 de abril de 2024
Horario
17.30h
Lugar
Sala de Actividades do Ateneo de Santiago
Compartir

O martes, 23 de abril, ás 17.30h na Sala de Actividades do Ateneo de Santiago (Pr. Salvador Parga, 4, 2º) terá lugar unha nova sesión do Club de Lectura, onde se comentará a obra Una trilogía palestina de Gasán Kanafani.

Una trilogía palestina reúne, nun só volume, tres obras esenciais que exploran a experiencia do exilio e a loita do pobo palestino: «Hombres en el sol» (1963), que segue a tres homes que intentan fuxir dos campos de refuxiados; «Lo que os queda" (1966), que presenta a historia de dous irmáns afrontando destinos diverxentes; e «Um Saad» (1969), que narra a vida dunha muller palestina cuxo fillo se une aos fedayín. Estas obras ofrecen unha visión multifacética da historia palestina, destacando a Nakba e a resistencia. 

Gasán Kanafani (Líbano, 1936-1972), ​recoñecido xornalista e novelista palestino, participou activamente na causa palestina. Foi cofundador da Fronte Popular para a Liberación de Palestina e redactor xefe do diario Al-Hadaf. Escribiu seis novelas, varias recopilacións de teatro, tres obras de teatro e tres libros de ensaio literario. En 1972 foi asasinado polo Mossad en Beirut (Líbano) nun atentado con coche bomba​ á idade de 36 anos. Postumamente, recibiu o Premio Lotus polo seu impacto na literatura árabe e a súa representación auténtica da realidade palestina.