Ateneo Inquedo - Emprendendo ideas na área de Compostela

O xoves, 17 de febreiro, ás 19.00h o Ateneo de Santiago ten programada no Salón de Actos Isaac Díaz Pardo, unha nova actividade, organizada pola Sección Ciencia, Tecnoloxía e Medio Ambiente, titulada Ateneo Inquedo.

Esta primeira sesión, titulada «Emprendendo ideas na área de Compostela», estará conducida por Álvaro Silva, Doutor en Enxeñaría Química e Ambiental e Project Manager de Cetaqua Galicia, e contará coas seguintes intervencións:

• Relatorio «Como se xesta un proxecto de base científico-tecnolóxica? Instrumentos de financiamento e acompañamento no proceso», a cargo de Pablo Mosquera, Director de Investimentos de UNIRISCO.
• Dous casos de éxito:
  • «BFlow, orixe e desenvolvemento», a cargo de María Seoane, CEO de BFlow.
  • «Nanogap, orixe e desnvolvemento», a cargo de Tatiana López, CEO de Nanogap.

O acto estará introducido polo Presidente do Ateneo de Santiago, Manuel López-Rivadulla, e rematará cun coloquio co público asistente.

Para asistir é imprescindible preinscribirse no mail ateneo@ateneodesantiago.gal.

Pablo Mosquera Martínez, Licenciado en Administración e Dirección de Empresas e Máster en Dirección Financeira, estivo sempre vinculado na súa carrera profesional  á xestión da innovación, a valorización de tecnoloxía e o emprendemento. Como consultor de negocio en Everis, desenvolveu proxectos de planificación estratéxica e financeira, deseño organizativo e normativo, sempre vinculados á dixitalización e uso da tecnoloxía como panca de valor das organizacións. Tamén foi adxunto a dirección na startup de software para o procesamento avanzado e cuantificación de imaxes médicas Qubiotech Health Intelligence e xestor de innovación e transferencia de tecnoloxía do Instituto de Investigación Sanitaria de Santiago de Compostela (IDIS) e o Servizo Galego de Saúde. É cofundador da empresa Noukee dende 2020 é Director de Investimentos de UNIRISCO. Pablo foi recoñecido como Registered Technology Transfer Professional pola alianza internacional ATTP.

María Seoane Ramíl, Licenciada en Ciencias económicas e empresariais pola UDC, é CEO de BFlow e de FlowReserve Labs. Anteriormente xa fora Directora Executiva de Clínica DíaLibre e Marketing Manager de Medtronic.

Tatiana López é Licenciada en Química pola USC, especializada en Administración e Dirección de Empresas (EMBA) pola ESADE de Barcelona. Na súa vida profesional desenvolveu os postos de investigadora en GAIRESA e técnico en desenvolvemento de negocios na USC. Actualmente é a CEO de Nanogap dende o ano 2006.