Axenda cultural: Compostela (etno)gráfica, nos Luns do Ateneo

AS 19.30 horas de hoxe o Ateneo de Santiago ten programada na Rúa do Vilar, 19, de Compostela unha conferencia titulada «Pasados, presentes e futuros urbanos. O proxecto Compostela (etno)gráfica».

Estará impartida por Aldara Cidrás, doutora en Historia Contemporánea pola Universidade de Santiago. Compostela (etno)gráfica é un traballo de investigación e divulgación iniciado en 2022 grazas ao recoñecemento da Deputación da Coruña.

Partindo do estudo da gráfica comercial no casco histórico de Santiago de Compostela, achégase ao pasado da cidade e reflexiona sobre o seu futuro, atravesado pola xentrificación e a turistificación.

Os rótulos actúan no proxecto “como un dispositivo que vehicula conversas, ás veces incómodas, sobre nós mesmas e o espazo que (des)habitamos”, indican os organizadores.

Ver en El Correo Gallego