Hemeroteca

PREMIO DE XORNALISMO

Compartir

Noutra orde de cousas, o Ateneo de Santiago entregará este luns nas súas instalacións de Santiago o Premio de Xornalismo Cívico Alfredo Vicenti 2020. A gañadora da terceira edición foi Adela Bértolo polo seu artigo '#UNSEGREDOAVOCES. A loita feminista do alumnado da ESADg continúa na rede', publicado o pasado ano en Vinte, unha revista do diario dixital Praza Pública.

Ademais do galardón, dotado con 1.000 euros, entregaranse dous accésits a David Reinero González, pola reportaxe 'O que custou o AVE a piques de rematar', e a Marta Otero Mayán, polo artigo 'Menores migrantes, onte e hoxe'. Así mesmo, tras o acto de entrega, abrirase a nova convocatoria do certame.

Por outra banda, o xurado do XXI Premio Xornalístico Albarelo, impulsado polo Colexio oficial de Farmacéuticos da Provincia da Coruña, emitiu un fallo polo que se entregará o galardón, dotado con 3.000 euros, a Loreto Silvoso polo artigo publicado en abril de 2020 no suplemento O Comarcal de La Voz de Galicia 'As boticas rurais na fronte de batalla'.

Tamén se conderán dous accésits, premiados con 1.000 euros cada un, a Marta Otero, por 'Tras a trincheira farmacéutica', publicado o 29 de novembro de 2020 na Opinión da Coruña, e a Álvaro Gómez, por 'Aspirinas contra o despoboamento', emitido no programa Más de Uno en Castela e León, de Onda Cero, o 28 de decembro de 2020.

 

Ler en Galicia Confidencial

Eventos relacionados