Visita guiada ao Museo de Historia Natural da USC
- Data
- Venres, 27 de febreiro de 2026
- Horario
- 12.00h
- Lugar
- Museo de Historia Natural da USC
- Máis información
Unicamente se rexistrarán as inscricións a través do enderezo electrónico ateneo@ateneodesantiago.gal (non se rexistrará ningunha inscrición por teléfono, whatsapp ou outros medios que non sexa o indicado). A data límite para anotarse é o xoves, 12 de febreiro, admitíndose a inscrición dun máximo de dúas persoas en cada solicitude.
O venres, 27 de febreiro, ás 12.00h o Ateneo de Santiago realizará unha visita guiada ao Museo de Historia Natural da USC, que terá un prezo de 5€ por persoa.
As prazas son limitadas polo que todo aquel que queira participar deberá inscribirse no enderezo ateneo@ateneodesantiago.gal, admitíndose unicamente a inscrición dun máximo de dúas persoas en cada solicitude e tendo preferencia de admisión os/as socios/as do Ateneo. A data límite para anotarse é o xoves, 12 de febreiro.
Este museo ten a súa orixe no Gabinete de Historia Natural, creado en 1840, con coleccións destinadas á docencia universitaria. Na actualidade alberga importantes coleccións botánicas, zoolóxicas e xeolóxicas, algunhas delas elaboradas por profesores da universidade compostelá e por científicos e naturalistas galegos, e outras son resultado de doazóns, intercambios e adquisicións. Hai salientables coleccións, únicas en España, como a colección de modelos cristalográficos en madeira feita baixo a dirección de R. Haüy, ou a colección malacolóxica de Emilio Rolán. O museo posúe actualmente unha valiosa tipoteca, con máis de mil exemplares tipo, principalmente de moluscos, pero que inclúe tamén series tipo doutros moitos grupos de invertebrados (esponxas, insectos…).
