Proxección da película «8 mulleres» de François Ozon

O martes, 20 de maio, ás 19.00h o Ateneo de Santiago ten programada no Salón de Actos Isaac Díaz Pardo do Ateneo de Santiago (Pr. Salvador Parga, 4-2º, Santiago de Compostela) a proxección da película «8 mulleres» (8 femmes), comprendida dentro do Ciclo «O cine francés do século XXI» do Cineclub Ateneo.

8 mulleres (8 femmes)
Director: François Ozon
2002, 103 minutos
Nos anos cincuenta, nunha gran mansión burguesa no campo, onde se están facendo os preparativos para festexar o Nadal, o dono da casa é asasinado. Oito mulleres cercanas á vítima están presentes polo que forzosamente unha delas ten que ser a culpable. Comeza entón unha longa xornada de investigación, chea de discusións, traicións e revelacións, na que non tardará en saberse que cada unha delas ten as súas razóns e garda secretos insospeitados. A verdade estalará, cruel e tráxica, e acabará coas máscaras e as mentiras.