Proxección da película «Unha razón brillante» de Yvan Attal

O martes, 18 de marzo, ás 19.00h o Ateneo de Santiago ten programada na sede de Afundación (Rúa do Vilar, 19, de Santiago de Compostela) a proxección da película «Unha razón brillante» (Le brio) de Yvan Attal. Esta proxección, comprendida dentro da IV Mostra Internacional de Cine e Educación (CINEDUCA), estará presentada e comentada por Luis Trillo, Licenciado en Dereito e Ciencias Políticas pola Universidade Carlos III de Madrid.

Unha razón brillante (Le brio)
Director: Yvan Attal
Francia, 2017
Neïla Salah é unha moza do extrarradio parisiense que soña con ser avogada. Tras matricularse na facultade de Dereito máis importante de París, o primeiro día de clase ten un enfrontamento con Pierre Mazard, un profesor algo conflitivo. Para redimirse, o profesor proponlle axudala a preparar unha importante proba a nivel nacional. Aínda que cínico e esixente, Pierre é a axuda ideal que Neïla necesita pero para iso terán que empezar os dous por superar algúns prexuízos.