Conferencia «Xénero e Traballo. Os prexuízos de xénero na relación de traballo» de Dolores Fernández Galiño

O luns, 16 de decembro, ás 19.30h o Ateneo de Santiago ten programada na Rúa do Vilar, 19, de Santiago de Compostela unha conferencia titulada «Xénero e Traballo. Os prexuízos de xénero na relación de traballo», que estará impartida por Dolores Fernández Galiño, Valedora do Pobo.

María Dolores Fernández Galiño é Licenciada en Dereito pola Universidade de Santiago de Compostela (1981-1986) e Diplomada en Práctica Xurídica pola mesma universidade (1985-1986). En 1989 superou as oposicións de ingreso na carreira xudicial e tamén as oposicións de ingreso na carreira fiscal. Na carreira xudicial estivo destinada, de 1990 a 1992, no Xulgado de Primeira Instancia e Instrución nº 1 de Ponteareas. Ascendeu en 1992 á categoría de maxistrada, con destino de 1992 a 2001 no Xulgado do Social nº 2 de Pontevedra. Dende 2001 estivo destinada na Sección 2ª da Audiencia Provincial da Coruña. Na Carreira Fiscal atópase, dende o seu ingreso, coa categoría de avogada-fiscal, en excedencia. Ten recoñecida a especialización de Dereito Civil de Galicia.