Debate sobre «El verano en que mi madre tuvo los ojos verdes» de Tatiana Tîbuleac

Data
Xoves, 19 de maio de 2022
Horario
18.00h
Lugar
Salón de Actos Isaac Díaz Pardo do Ateneo de Santiago
Compartir

Os días, 19, 24 e 31 de maio, e o 7 de xuño ás 18h no Salón de Actos Isaac Díaz Pardo do Ateneo de Santiago (Pr. Salvador Parga, 4, 2º) terán lugar novas sesións do Club de Lectura do Ateneo de Santiago, onde se comentará a obra El verano en que mi madre tuvo los ojos verdes de Tatiana Tîbuleac.

Aleksy aínda lembra o último verán que pasou coa súa nai. O seu psiquiatra recoméndalle revivir esa época como remedio ao bloqueo artístico como pintor,  Aleksy non tarda en mergullarse na súa memoria e volve verse sacudido polas emocións que o asediaron cando chegaron a aquela aldeíña vacacional francesa: o rancor, a tristeza, a rabia. Este é o relato dun verán de reconciliación, de tres meses nos que nai e fillo por fin baixan as armas, esporeados pola chegada do inevitable e pola necesidade de facer as paces entre si e consigo mesmos. 

Tatiana Tîbuleac (Chisináu, 1978) filla única dun xornalista e da correctora dun xornal, xa na universidade empezou a colaborar con diversos medios en calidade de tradutora, correctora e reporteira mentres realizaba os seus estudos de Xornalismo e Comunicación. Deuse a coñecer en 1995, cando comezou a columna «Historias verdadeiras» no xornal Flux, un dos diarios máis importantes en lingua romanesa. En 1999 empezou a traballar en televisión como unha das reporteiras principais do telexornal da cadea Pro tv, onde consolidou o seu papel dentro do xornalismo de corte social. O seu primeiro libro, unha colección de relatos titulada «Fábulas modernas», publicouse en 2014. «El verano en que mi madre tuvo los ojos verdes», a súa primeira novela, impactou a crítica e lectores, e considerouse un auténtico fenómeno literario en Romanía. Recibiu varios premios, entre os que destacan o outorgado pola Unión de Escritores Moldavos e a revista literaria romanesa Observator Cultural, e está a ser traducida a numerosos idiomas. En 2018 publicou a súa segunda novela, «Jardín de vidrio».

Próximos eventos Ver axenda