Novas
A Editorial Galaxia inicia unha campaña de apoio ás librerías de Galicia
- Compartir
A Editorial Galaxia destinará o 10% da súa venda online ás librerías que decidan os compradores.
Dende hoxe, o 10% das vendas de cada pedido que se faga dende a páxina web da editorial irá destinado á librería que se indique. Con esta medida, a Editorial Galaxia, consciente do gran reto ao que nos enfrontamos todas e todos nesta situación delicada, en especial as librerías, quere contribuír a que este período confuso sexa máis doado de levar.
Ler é un ben de primeira necesidade, e as librarías, o espazo fundamental que garda e promove as historias que nos emocionan, por iso merecen o noso apoio, o de toda a sociedade. Así pois, entregarán o 10% do prezo de cada libro, mentres dure esta época de emerxencia sanitaria, á librería que o comprador ou compradora así indique.
